ໂຄງການຄັດເລືອກ ແລະ ສະຫນັບສະຫນູນ SME ແລະ Startup ເຂົ້າຮ່ວມງານສະແດງ Lao Digital Week ປະຈໍາປີ 2026

ໂຄງການຄັດເລືອກ ແລະ ສະຫນັບສະຫນູນ SME ແລະ Startup ເຂົ້າຮ່ວມງານສະແດງ Lao Digital Week ປະຈຳປີ 2026

ໂຄງການນີ້ຈັດຕັ້ງຂຶ້ນໂດຍ ສູນສົ່ງເສີມ ແລະ ຖ່າຍທອດເຕັກໂນໂລຊີ, ກະຊວງເຕັກໂນໂລຊີ ແລະ ການສື່ສານ ເພື່ອສ້າງຂະບວນການສົ່ງເສີມ ແລະ ສະໜັບສະໜູນ SME ແລະ Startup ຂອງລາວທີ່ມີຜະລິດຕະພັນ, ບໍລິການ ຫຼື ນະວັດຕະກຳດີຈີຕອນທີ່ມີທ່າແຮງ. ຜູ້ຜ່ານການຄັດເລືອກຈະໄດ້ຮັບສິດເຂົ້າຮ່ວມພື້ນທີ່ວາງສະແດງທີ່ໂຄງການອຸດໜູນ ເພື່ອນຳສະເໜີຜົນງານ, ທົດລອງຕະຫຼາດ, ພົບປະລູກຄ້າ, ຄູ່ຮ່ວມງານ ແລະ ນັກລົງທຶນ.

ເປົ້າໝາຍ ແລະ ສິດທິປະໂຫຍດທີ່ລະໄດ້ຮັບ

• ຄັດເລືອກຜູ້ປະກອບການທັງໝົດ 20 ຫົວໜ່ວຍ (SME 10 ຫົວໜ່ວຍ ແລະ Startup 10 ຫົວໜ່ວຍ).

• ໄດ້ຮັບການອຸດໜູນຄ່າບູດມາດຕະຖານ 1 ບູດ (ມູນຄ່າສູງສຸດ 5,000,000 ກີບ/ບູດ).

• ໄດ້ຮັບປ້າຍຊື່ຫົວໜ່ວຍ ແລະ ອຸປະກອນພື້ນຖານປະຈຳບູດ.

• ໄດ້ຮັບການປະຊາສຳພັນຜ່ານຊ່ອງທາງຂອງງານ ແລະ ໂອກາດເຂົ້າຮ່ວມກິດຈະກຳຈັບຄູ່ທຸລະກິດ (B2B/B2C).

ຄຸນສົມບັດຜູ້ສະໝັກ

1. ເປັນ SME ທີ່ຈົດທະບຽນຢູ່ ສປປ ລາວ ຫຼື ເປັນ Startup/ທີມພັດທະນາ ທີ່ມີໜ່ວຍງານບົ່ມເພາະ, ສະຖາບັນການສຶກສາ, ສະມາຄົມ ຫຼື ພາກລັດຮັບຮອງ.

2. ຜູ້ກໍ່ຕັ້ງ/ເຈົ້າຂອງຫຼັກເປັນຄົນລາວ ແລະ ກິດຈະການບໍ່ຂັດກັບກົດໝາຍ.

3. ມີຜະລິດຕະພັນ, ຕົວຢ່າງທົດລອງ, ບໍລິການ ຫຼື ຜົນງານທີ່ສາມາດນຳສະເໜີ/ສາທິດໃນງານໄດ້.

4. ມີທີມງານປະຈຳບູດຕະຫຼອດວັນທີ 21-25 ຕຸລາ 2026 ແລະ ພ້ອມເຂົ້າຮ່ວມການປະຖົມນິເທດ.

ເອກະສານປະກອບການສະໝັກ

1. ແບບຟອມສະໝັກທີ່ຕື່ມຂໍ້ມູນຄົບຖ້ວນ.

2. ສຳເນົາໃບທະບຽນວິສາຫະກິດ/ໃບອະນຸຍາດ ຫຼື ໜັງສືຮັບຮອງສະຖານະ Startup.

3. ຂໍ້ມູນ ແລະ ແຜນການເຂົ້າຮ່ວມໂຄງການປະກອບມີ:

• ປະຫວັດຫົວໜ່ວຍ ແລະ ທີມງານໂດຍຫຍໍ້.

• ລາຍລະອຽດຜະລິດຕະພັນ/ບໍລິການ, ຮູບພາບ, ລິ້ງສາທິດ ຫຼື ຫຼັກຖານການນຳໃຊ້.

• ແຜນນຳສະເໜີໃນບູດ 1 ໜ້າ (ເປົ້າໝາຍ, ກິດຈະກຳ, ທີມງານ ແລະ ຜົນທີ່ຄາດຫວັງ).

• ຫຼັກຖານຜົນງານ/ການເຕີບໂຕ (ຖ້າມີ).

ກຳນົດເວລາຂອງໂຄງການ

• ໄລຍະເປີດຮັບສະໝັກ: 24 ກັນຍາ 2026 – 09 ຕຸລາ 2026

• ກວດສອບເອກະສານ & ປະເມີນ Pitching: 10 ຕຸລາ 2026 – 13 ຕຸລາ2026

• ປະກາດຜົນ: 14 ຕຸລາ 2026

• ຢືນຢັນສິດ & ປະຖົມນິເທດ: 15 – 19 ຕຸລາ 2026

• ວັນທີຈັດງານວາງສະແດງ: 21 – 25 ຕຸລາ 2026

• ສະຫຼຸບລາຍງານຜົນການເຂົ້າຮ່ວມ: 26 ຕຸລະ 2026 - 15 ພະຈິກ 2026